- მესტიის მუნიციპალიტეტში მესტიის მოკლემეტრაჟიანი მთის ფილმების საერთაშორისო ფესტივალი მიმდინარეობს.
მესტიის მუნიციპალიტეტის მერიის ინფორმაციით, წლევანდელი კინოფესტივალის საპატიო სტუმარი ლეგენდარული რაინჰოლდ მესნერი გახლავთ. კინოფესტივალის გახსნის საზეიმო ცერემონიას მესტიის კულტურისა და ხელოვნების ცენტრმა უმასპინძლა.
მესტიის ფოლკლორული ანსამბლ „რიჰოს“ მიერ შესრულებული სიმღერების შემდეგ ღონისძიების სტუმრებს სიტყვით მიმართეს, ფესტივალის დირექტორმა, ხათუნა ხუნდაძემ, მესტიის მუნიციპალიტეტის მერმა, კაპიტონ ჟორჟოლიანმა, იტალიის ელჩმა საქართველოში, მასიმილიანო დ’ანტუონომ და თავად რაინჰოლდ მესნერმა, რომელსაც ფესტივალის დამფუძნებელმა საპატიო ჯილდო გადასცა.
გახსნის ღონისძიება რაინჰოლდ მესნერის ფილმის „ნანგა პარბატი – ჩემი ცხოვრების მნიშვნელოვანი მთა“ ჩვენებით გაგრძელდა.